Tarimara’a o te papa ti’a no te mau peu maita’i no te terera’a moana
I roto i te mau ‘ohipa ato’a i rave hia e te mau ta’atira’a no te paruru i te mau auparāoa, te tauto’o nei te Pu DPAM ia nu’u a te mau ‘ohipa i mua, mai te ape’e atu i te ta’atira’a Oceania e te mau feia atoa e ha’a nei i roto i teie nei Moana-nui-a-Hiva.
I te 23 no eperera 2026, ua tupu te tahi farereira’a i te fenua Vaihi ‘e ua ti’a mai o Nainoa Thompson tane, peretiteni no teie ta’atira’a rahi no te Polynesian Voyagin Society, te ho’e fa’anahora’a mana nui i roto i te fa’aterera’a parau tumu moana ēê.
Te mau tumu parau o tei tuatapapa hia i roto i teie farereira’a :
-
te mau ‘opuara’a o te papa ti’a (charte) e te fa’anahora’a rahi no te parurura’a i te mau auparāoa
- te ao moana i te faito no te Moana-nui-a-Hiva
-
te 50 o te matahiti o Hokule‘a
I taua taime ra, ua tarimahia te papa ti’a, ‘ei tapa’o no te ho’e ta’ahira’a faufa’a roa i roto i te ha’amauhia o te ho’e ‘ohipa ‘amui.
Te haere mai nei teie papa ti’a e fa’a’amui i te mau ‘arata’ira’a e te mau ‘ohipa i turuhia e te DPAM :
-
te fa’aitira’a i te ‘aha’aha o te mau pahi
-
te fa’atanora’a i te mau ‘arata’ira’a moana
-
te ha’api’ira’a i te mau ihitai
-
te feuira’a i ni’a i te mau ha‘amaramaramara’a e te mau ‘opuara’a moana
Te hina’aro ato’a nei teie papa ti’a e ha’apuai i te fa’a’arara’a o te mau ta’ata fana‘o i te moana, i roto i te ho’e huru tupura’a i te pae parau totai, i te mea e fatata i te 1000 pahi no rapae’au e tomo nei i Porinetia i te mau matahiti ato’a.
I muri a’e i teie ava’e, i te 8 no eperera 2026, ua tarimahia o Catherine Rocheteau vahine, fa’atere no te Pu DPAM, teie iho papa ti’a.
Ua fa’a’tae mai o Nainoa Thompson tane i tona turura’a i teie ‘opuara’a, e tona mana’o faito no te fa’atupura’a i te mau ‘ohipa papu a te faito o te Moana-nui-a-Hiva.
Ua ha’apapu ato’a ‘oia i te faufa’a rahi o te ha’apuaira’a i te mau tapirira’a i rotopu ia Vaihi e Porinetia farāni, i roto i te ho’e tau’aparaura’a arataee i te amuira’a e te ohipa tūmaoro.
E tapa’o teie tarimara’a o te papa ti’a no te ho’e ta’ahira’a i roto i te ho’e fa’anahora’a rahi a‘e, no te parurura’a i te mau fa’anahora’a ora o te moana e no te ha’apuaira’a i te mau amuira’a i te pae rā o te fenua.
