Faufa’a Tupuna: TI’I de Moorea – Version Tahitienne E ti'i iti hoho'a-Tane au no 'Aimeho Nui, o tei pi'i hia i teie nei 'o Mo'orea. 'Ua tarai hia vau e t tahito ra i roto i te ra'au pua. Ua ti'a noa ihoa to'u hoho'a i te huru taraira'a-ti'i no ni'a matai nei. Na te ta'ata ra o Jean-Claude Thibaut, 'aivana'a no te "Museum d'Histoire Naturelle" i 'ite i taua ana ra i te taime 'a imi ai 'oia i te tahi mau 'ofa'ara'a manu no tana mau tïtorotorora'a i te mau 'animara tumu no to ta…tou nei pae fenua. E hoho'a a'e paha vau no te tahi tupuna i ha'amo'a-hia na, e 'aore ra 'ei ti'i ha'amorira'a i te atua ra 'o Tane. Inaha, te fa'a'ti'a ra te ho'e 'a'ai e, maoti te atua ra o Tane i tupu mai ai te tumu pua rnatamua roa i raro i te fenua nei, mai tona ra'i mai, 'a riro ai teie nei ra’au 'ei ra'au mo'a. Mai taua ato'a tau i ravehia ai te ra'au pua no te tarai i te ti'i o teie nei atua. ' E tau maoro paha to'u vai-huna-noa-ra'a-hia i roto i taua ana ra, mai te tau mai a, 'a fa'aue ai te tahu'a no 'Aimeo ra 'o Pati'i i te ava'e fepuare, matahiti 1815 ra, i te tanina i te taato'ara'a o te mau ti'i o te fa'aro'o tahito i te auahi, i muri a'e i tona iho fari'ira'a i te fa'aro'o 'api, 'o to'u paha ia 'ora i te auahi, ‘a vai maita'i mai ai 'e tae roa mai i teie tau nei. Afficher la suite