Faufa’a Tupuna: PENU DE MAUPITI – Version Tahitienne

I roto vau i te tahi huru ofa’i pa’o hinuhinu maita’i no Maupiti iho i te tarairaa hia e te tahi tahu’a tarai penu no tera tau.

Mai te tau maoro mai a, i riro noa na ihoa teie huru ofa’i i te ravehia ei tarai tao’a ofa’i, mai te penu iho nei. Inaha, e huru ofa’i taa’e mau a ihoa e te au maite ato’a ra ihoa i taua tuhaa ohipa ra. O te tumu ato’a paha ia i atutu rahi ai te roo faahiahia no te tahu’a tarai penu no Maupiti e tei faatietie haere hia na ho’i i tera ra tau. E huru penu hoho’a tumu vau no Maupiti, oia ho’i, e aufau hoho’a reta ti to’u, are’a te toe’a ra, e haere vaavaa atu ia e omenemene hope roa atu ai. E ravehia ana vau no te papahia haere i te maa tupu mai te taro anei e rau atu huru maa tupu. O te tumu ato’a paha ia i atutu haere ato’a ai te parau e : Maupiti i te tarai penu.

No reira mai ato’a paha ia te feia haaputu tao’a tahito i te nounou rahi i te penu Maupiti.

E peu huru maere ra tei tupu i te hope’araa o te tenetere i ma’iri a’e nei, oia ho’i, te ore ta’ue roa raa te ohipa tarai penu i teie motu iti, a haamata rii faahou mai ai i te matahiti 1970 ra. Na teie taata o BARTHOMIVAT DE NEUFVILLE tane i pupu mai ia’u mai te ava’e Fepuare no te matahiti 1966 ra i roto i te rima o te faatereraa o ta tatou pu Te Anavaharau ei o a’e nana na oe e to’u nunaa Ma’ohi, to’u nunaa tumu.