Tē ha'amāuruuru nei mātou

Tē ha'amāuruuru nei mātou i tā mātou mau pīahi nō tō rātou itoito 'e tō rātou pūai i ni'a i te tahua To'atā. 'Ua amo pāpū rātou i te tumu parau o tā rātou fa'a'itera'a, 'oia ho'i :

« Te faufa'a tūtu'uhia mai e te vahine ari'i Pōmare IV i roto i te mau umeumera'a a te u'i taure'are'a hono tāmau noa i te mau rāve'a nūmēri. »

Tē ha'amana'o nei teie parau iā tātou 'ia fa'atura, 'ia pāruru 'e 'ia aupuruhia teie faufa'a, e ti'a ai.

Tē ha'amāuruuru ato'a nei mātou i te mau metua tei turu mai, tei hōro'a mai i tō rātou ti'aturira'a 'e tō rātou pūai i pīha'i iho i te mau tamari'i i roto i teie 'ōpuara'a.

Te ha'amāuruuru ato'a nei i te mau 'orometua ha'api'i 'e te feiā arata'i nō tō rātou itoito, tō rātou 'ā'au tae 'e te mau 'ohipa ato'a tā rātou i rave nō te arata'i 'e nō te fa'atupu i teie 'ōpuara'a.

Māuruuru roa i te tā'āto'a nō teie taime nehenehe mau, tei riro 'ei taime e fa'ahanahana ai tātou i tā tātou peu, i tō tātou mā'ohira'a.