Faufa’a Tupuna: 'AVITI 'AUHOPU, LEURRE A BONITE – Version Tahitienne E tao'a iti matauhia vau 'e te feia tautai pa'ari i te tau 'a tai'a ai ratou i te 'auhopu ihoa ra. E 'aviti 'auhopu to'u i'oa. E 'api parau te ravehia na no te hamani ia'u. 15 tenetimetera to'u roa. Are'a to'u matau ra i roto ia i te ivi e taraihia ai, 'a ta'amuhia atu ai i te taura ro'a, 'e rave-ato'a-hia ai te huruhuru 'uri tei tuu ato'a hia mai no te faaoti ineine maita'i ia'u. 'A hi'o maita'i mai na i te... roara'a o to'u taura ta'amu, e ro'a atoa ho'i no tera ra tau 'e, e 2 metera 'e te afa i te roa. E tei riro 'ei fa'ahiahiara'a na te mau papa'a o taua tau ra, no to'u ihoa ra pa'ari : inaha ho'i, hau a'e to'u pa'ari i ta ratou iho taura 'anave. 'Ua riro noa na vau 'ei maerera a 'e 'ei fa'ahiahiara'a na te mau popa'a no te maramarama ihoa ra o to tatou ra mau tupuna i te 'imira'a i ta ratou ra mau rave'a orara'a i roto i te natura e 'aua-fa'a'ati ra ia ratou. Inaha, mai to ratou ra tau 'e tae roa mai ai i teie tau nei, te huru a to'u huru. 'A ta'a noa atu ai paha ho'i to'u matau 'auri 'e to'u taura- anave papa 'a i teie tau, 'aita roa atu ra te huru tautai 'auhopu i taui noa a'e. Maoti te hoe puta-iti-tauiha'a tahito no to tatou nei mau pae fenua no 'Oteania nei i pia i to'u hoho'a, 'a 'itehia ai au e to te Pu Te Anavaharau i roto i te ho'e fare ho'ora'a tauiha'a tahito i Pari. Mai te matahiti 1997 mai ra ia vau i te fa'aho'ira'a-hia mai i te fenua 'ai'a nei, i reira to'u hamari'ihia 'a e te mau tupuna 'a 200 hanere a'enei matahiti i teie nei. Altro...