Faufa’a Tupuna: HERMINETTE DE VANCOUVER, TO'I – Version Tahitienne E to’i au. E ōfa'i tō'u tipi tei tā'amuhia e te nape i ni’a i te tahi ‘aufau rā'au 'uru, tu’u ato’a hia ai i te tahi tāpū tapa e te tahi 'ōtaro puru ha’ari i rotopu i te tipi ōfa'i e te ‘aufau ei tāmarū i te taime e fa’a’ohipahia ai iā’u. Na te rima o te tahu’a tāmuta i faaohipa iā’u i muta’aiho rā. Ua rau ia i tō mātou huru i taua tau rā. E ravehia āna i te mau to’i rarahi a’e no te tāpū, no te tarai e aore ...ra no te pao i te rā'au. 'Āre’a te mea huru na'ina'i a’e, no te nana’o ia. Te vai ato’a ra te tahi huru to’i ‘ê atu ei ravehia na ei hōho'a noa ia tae i te mau fa’atupura’a 'ōro'a hanahana a te mau ari’i. 'O vau iti nei rā, ua ravehia atu vau mai Tahiti atu nei i te matahiti 1791 rā e te ta’ata rā 'o Dobson tei tere mai na ni’a i te pahī rā ō Discovery ra’atirahia e Vancouver. I muri a’e, pupu atu ra tāua ta’ata nei iā’u ei ō na tō na hoa rā o Gent te i’oa. Mai reira mai, vai tamau noa atura vau i roto i te faufa’a fetii a teie nei opu fetii ta’ata e tae roa mai ai i te matahiti 1984 ra, matahiti ia i faaroohia faahouhia i tō’u parau i roto i te tahi ho’o-pāte-ra’a tauiha’a tahito i te 'oire no Ronetona. Mai tāua matahiti rā ia vau i fa’aho’i fa’ahouhia mai ai i tō’u 'āi'a tumu i Tahiti nei. Altro...